logo meemira.com

Original news    English    Italian    Albanian   

Gjykata zbardh sherrin midis Noizy dhe Stresi
Autor E. Çiloti - 11 novembre 2010 11:39
  

Per kete shkak, Rajku, ndonese po shkonte te kendonte ne skenen e Pallatit te Kongreseve, kishte marre ne makinen e tij dy kembe karrikeje dhe dy thika.

Detaje te episodeve te dhunshme mes dy grupimeve te muzikes hip-hop, "OT-

R” dhe "TBA”, jane sqaruar ne vendimin e Gjykates se Tiranes, mbi ngjarjen e ndodhur ne maj 2010,

ku pak para fillimit te konkursit muzikor, pati te shtena armesh ne bulevardin "Deshmoret e Kombit”, ne pjesen mes Pallatit te Kongreseve dhe Presidences. Per kete ngjarje, ne 6 tetor 2010, Gjykata e Tiranes denoi me 10 muaj burg Jetnis Dollapajn, per veprat penale te "kanosjes”, "prishjes se qetesise publike” dhe te "prodhimit dhe mbajtjes se armeve luftarake dhe municionit”.

Nga i njejti vendim, shtetasi Ermal Gjici u denua me 180 mije leke te reja gjobe per akuzen e "prodhimit dhe mbajtjes pa leje te armeve te ftohta”. Zbardhja e ketij vendimi gjykate pak dite me pare, hedh drite mbi konfliktet e hershme mes dy grupimeve te "hip-hop”-it, qe kane pasur mes tyre perballje te dhunshme, deri ne kufijte e kryerjes se veprave penale. Referuar vendimit, shkak i konfliktit te 23 majit kane qene grindj-

et e meparshme mes "OTR” dhe "TBA”. Me poshte botohen pjese te argumentimit te vendimit te gjykates, shpallur ne 6 tetor 2010.

NGJARJA te Pallati i Kongreseve

Rezulton e provuar se ne daten 23.05.2010, rreth ores 19:40, ne vendin e quajtur bulevardi "Deshmoret e Kombit”, perballe Pallatit te Kongreseve, i pandehuri Jetnis Dollapaj, pasi ka dale nga nje automjet tip Fuoristrade me targa angleze, ka qelluar me nje arme zjarri automatike, ne nje largesi prej 10-15 metrash, me qellim kanosjen per vrasje te shtetasve F. Muça, K. Çela, R. Cerenishti, te cilet po qendronin ne kembe prane nje automjeti me targa DR 1966 F, qe eshte ne pronesi te shtetasit B. Rajku, por perdorej dhe nga djali i tij, shtetasi Rigels Rajku. Nga te shtenat me arme zjarri, pavaresisht distances se afert, nuk eshte vrare ose lenduar njeri, si dhe nuk eshte demtuar as automjeti prane te cilit ndodheshin te rinjte.

I pandehuri Jetnis Dollapaj me arme ne dore, eshte nisur per t’u larguar nga vendi i ngjarjes, por eshte rrezuar afer nje makine dhe arma ka bere dhe nje shkrepje tjeter. Ai eshte ngritur dhe eshte perpjekur te largohet me vrap, por eshte ndaluar nga disa punonjes policie te ndodhur ne vendngjarje: K.Bregu, K.Beqiraj, L. Gjana dhe A. Mena. Gjate kontrollit personal, te pandehurit i eshte gjetur dhe sekuestruar ne cilesine e proves materiale nje thike metalike flutur, me ngjyre gri ne te zeze, ku tehu mbyllej nga dy kapake mbrojtes. Nga keqyrja e vendit te ngjarjes, sipas proces-verbalit dt. 23.05.2010, eshte konstatuar: "Mbi rrugen e bulevardit "Deshmoret e Kombit”, ne nje distance prej 13,7 m larg qoshes se sheshit "Nene Tereza”, tek kabina e telefonit u gjet e hedhur ne menyre te çrregullt nje arme automatike nr 89-0244. Ne vendin e ngjarjes u gjet e parkuar nje autoveture tip Benz, me ngjyre gri. Brenda bagazhit te autovetures u gjeten dy kembe karrigeje druri, nje shkop bejzbolli, dy perforcuese grushtash metalike, nje thike me hapje flutur, nje thike buke dhe nje kaçavide. Ka rezultuar se dorezat metalike i perkisnin te pandehurit Ermal Gjici, ndersa thikat, shkopi i bejzbollit dhe kembet e karriges ishin te shtetasit Rigels Rajku (NOIZY).

KONFLIKTET

Shkak i konfliktit te dates 23.05.2010, ka qene nje grindje e meparshme midis dy grupeve muzikore, "OTR” me drejtues shtetasin Rigels Rajku me pseudonimin muzikor Noizy, dhe "TBA Butuesi” me drejtues shtetasin Arkimed Lushaj, me pseudonimin muzikor Stresi. Drejtuesit, anetaret dhe fansat e secilit grup ne menyre te vazhdueshme jane ofenduar, share dhe konfrontuar fizikisht me njeri-tjetrin per me shume se nje vit. Konkretisht, perpara ngjarjes se dates 23.05.2010, ne daten 28.04.2010, disa shtetas te cilet jane te lidhur me grupin "OTR” dhe shtetasin Rigels Rajko, kane goditur me mjete te mprehta shtetasin Denis Dollapaj, duke i shkaktuar demtime te renda ne trup, per te cilat ky shtetas ka qene i shtruar ne spital per nje kohe te gjate. Ne daten 22.05.2010, pra nje dite perpara ngjarjes, shtetasi Arkimed Lushaj eshte goditur me grusht dhe me sende te tjera te forta nga shtetasi Rigels Rajku dhe nje shtetas tjeter i quajtur Detjon Xhizdari. Ne baze te aktit te ekspertimit mjeko-ligjor, rezulton se demtimet e shkaktuara ketij shtetasi klasifikohen si plagosje e lehte. Por me proces-verbalin "Per heqjen dore nga e drejta e ankimit” te dates 29.06.2010, ky shtetas ka hequr dore nga e drejta e tij e ankimit dhe ne keto kushte nuk eshte proceduar per kete veper penale.

"RIVALITETI” I RREPERAVE

Ne date 23.05.2010, ne Pallatin e Kongreseve do te zhvillohej edicioni i radhes i festivalit "Top-Fest” ku do te merrte pjese dhe kengetari Rigels Rajku. Ky i fundit ka hyre ne ambientet ku do te zhvillohej festivali, ne pritje te debutimit, ndersa nje pjese e shokeve dhe fansave te tij kane qenduar jashte Pallatit te Kongreseve. Ne festivalin "Top Fest” do te merrte pjese dhe grupi muzikor "TBA Butuesi”, me drejtues shtetasin Arkimed Lushaj. Drejt Pallatit te Kongreseve jane drejtuar dhe miqte e fansat e ketij grupi muzikor, mes tyre dhe i pandehuri Jetnis Dollapaj. Ky i fundit i eshte afruar Pallatit te Kongreseve me nje automjet tip Fuoristrade dhe pasi ka vene re prezencen e fansave te grupit muzikor "OTR”, konkretisht shtetasve F.Muça, K. Çela, R. Cerenishti, A.Shkembi, E.Gjici, M.Blazeri, E.Simoni, ka zbritur nga automjeti dhe ka nxjerre nga nje çante sportive nje automatik. Ështe afruar prane automjetit tip Benz, ku qendronin fansat dhe ka qelluar disa here me qellim kanosjen e tyre, ne nje distance te afert prej 10 – 15 m. Nga goditjet nuk ka pasur demtime. Me pas, i pandehuri Jetnis Dollapaj eshte larguar me vrap ne drejtim te sheshit "Nene Tereza”. Gjate vrapimit i ka rene arma automatik dhe me pas eshte kapur nga punonjesit e policise.

DEKLARIMET

Rigels Rajku (NOIZY) ne hetimet paraprake ka deklaruar se ne momentin e ngjarjes ndodhej brenda ambienteve te Pallatit te Kongreseve. Ne lidhje me sendet e gjetura ne bagazhin e automjetit Benz 320 me targa DR 1926 F, ai ka parashtruar se makina eshte ne pronesi te babait te tij, Bashkim Rajku, dhe diten e ngjarjes ia ka dhene ne perdorim te pandehurit Ermal Gjici. Ne bagazhin e makines, Rigels Rajku deklaron se ka futur kembet e karriges se thyer, nje thike flutur, nje thike buke, por nuk ishte ne dijeni te dorezave metalike. Nga deklarimet e shtetasve F.Muco dhe Rigels Rajku, provohet se dorezat metalike te gjetura ne automjetin Benz posedoheshin nga i pandehuri Ermal Gjici, i cili e ka patur automjetin ne perdorim diten e ngjarjes. Konkretisht, per shkak te konflikteve te meparshme mes grupeve muzikore dhe nga frika e nje konfrontimi te ri naten e festivalit "Top Fest”, shtetasi Rigels Rajku u ka dhene automjetin e te atit miqve te tij, mes tyre dhe te pandehurit Ermal Gjici, duke futur ne bagazhin e makines dy kembe te thyera te nje karrigeje druri, nje thike flutur dhe dy thika buke per vetembrojtje. Ndersa dorezat metalike jane futur ne bagazh nga i pandehuri Ermal Gjici, i cili kishte ne perdorim automjetin, fakt qe provohet nga deklarimet e shtetasit Rigels Rajku dhe F.Muco.





Condividi: facebook twitter linkedin myspace technorati yahoo google reddit wikio okno del.icio.us Digg Segnalo
ArchivioArchivio CercaCerca InviaInvia StampaStampa PDFPDF RSSRSS Letture 36046, stampe 22 ©


Meemira.com