Muzike, panair, sfilate, argetim… “Summer Fest” ngre te premten siparin ne qytetin e Durresit, per te vazhduar turin veror ne Vlore, Sarande, Lezhe, Pogradec e Korçe.

Ne skene do te ngjiten kengetare te edicionit te pare te “The Voice-

of Albania”, por edhe emra te njohur te muzikes shqiptare si Eneda Tarifa, Flori Mumajesi, Julka, Kamela Islami, Gent Bushpepa, Orgesa Zaimi, Vesa Luma, Samanta Karavello, Çiljeta, Big Basta, Noizy, Vedat Ademi, Erik Lloshi etj. Nder surprizat e festivalit, rikthimi i pop dives Adelina Ismajli dhe grupit “Djemte e Detit”. Festa do te nise neser ne shetitoren “Taulantja” ku atmosfera do te nderroje teresisht.

Nje nisme e fondacionit “Dritan Hoxha” per te promovuar dhe per t’u dhene nje stimul kengetareve te rinj, “Summer Fest” nuk do te jete vetem e thjesht nje festival i muzikes.

Drejtuesja e projektit, Ledja Liku tregon se ne secilin prej qyteteve ku do te shkohet, do te promovohen vlerat kulturore dhe tradita vendase. “Per çdo qytet ne kemi bere edhe kartolinen televizive, e cila do te transmetohet para çdo koncerti dhe do te perfshije pikat turistike, vlerat kulturore e tradicionale te tyre. Menjehere me pas do te kete edhe nje sfilate me veshje trad-

icionale te zones dhe ne rastin e Durresit do te jene edhe te zonave perreth si Sukthit, Shijakut, Kavajes”, tregon Liku. Si do te jete e organizuar nje dite e “Summer Fest”?

Gjithçka nis qe ne oren 10.00 te mengjesit me nje panair te titulluar “open day (Dite e hapur)” ku neper stenda do te jene te ekspozuara produkte te bizneseve lokale. Ky panair do te qendroje i hapur deri ne fund te koncertit. Nderkohe, duke nisur nga Durresi dhe per te gjitha qytetet e tjera, atmosfera muzikore do te nise ne oren 20.00 me nje nxehje nga nje dj i ftuar, per te ngjitur me pas ne skene kengetaret. Rina Bilurdagu, Marsela Çibukaj, Rezarta Shkurta, Flori Mumajesi, Julka, Andos, Adrian Lulgjuraj, grupi “Grifshat” do te interpretojne ne Durres. Çdo qytet do te kete kengetaret e tij te veçante. Ne kete feste te muzikes ata nuk do te jene te vetem ne skene. Per prezantues nje dyshe qe e njihni mire, por qe bashkohen per te paren here ne kete rol. Xhemi Shehu i rikthehet eksperiences qe ka perjetuar qe nga koha e shtojzovalleve, ndersa Flori Binaj, aktori i njohur i “Portokallise” e provon kete aventure per te paren here. Nen skenarin e Olti Currit dhe regji te Ergys Lubonjes, “Summer Fest” do te sjelle nje atmosfere festive ne te gjitha qytetet ku do ndaloje, me mbeshtetjen mediatike te “Top Media”.

Pas Durresit, “Summer Fest” do te zbrese ne qytetin e Vlores, serish me kengetare te “Voice of Albania” qe prezantojne jo vetem kenget me te cilat konkurruan ne “Top Fest 9”, por edhe hite te njohura nderkombetare. “Çdo shoe jemi munduar ta ndertojme ne menyre te tille qe te jete nje spektakel i veçante. Interpretimet e kengetareve do te shoqerohen edhe me sfilate veshjesh moderne, ndersa pjesa me e madhe e tyre do te promovojne hitet e reja verore ne kete festival, i cili nis edicionin e pare, por besojme se do te pritet mire nga publiku”, thekson drejtuesja e projektit, Ledja Liku. Pas Vlores, Saranda do te kete me shume ritme pop. Adelina Ismajli do t’i rikthehet skenes ne kete qytet, duke zbuluar ne videoprojeksion pjese edhe nga dy videoklipet e saj te reja. Eneda Tarifa, Vesa Luma, Big Basta do te jene kengetaret e tjere pjese e atmosferes. Lezha do te perfshihet nga rryma etno. Ne sheshin e ketij qyteti do te kthehen “Djemte e Detit”, nderkohe qe te tjere kengetare si Anjeza Shahini, Dren Abazi, Noizy etj., do te kendojne per publikun lezhjan. Nga Lezha udhetohet drejt Pogradecit, qytet ne te cilin do te ndezin atmosferen Çiljeta, Samanta Karavello, Erik Band etj. Rrugetimi i edicionit te pare te “Summer Fest” do te mbyllet ne qytetin e Korçes, per te cilin jane rezervuar kengetare qe pelqejne te ngjiten live ne skene. Kamela Islamaj, Orgesa Zaimi, Gent Bushpepa, Vedat Ademi dhe Klajdi Haruni me “Mamicen”, do te permbyllin kete feste te madhe verore.



(top-channel.tv)